Guddoomiyaha Guddiga horumarinta adeegga Bulshada, arrrimaha bani’aadanimada, warfaafinta iyo dhaqanka Aqalka Sare ee Baarlamaanka Jamhuuriyadda Federaalka Soomaaliya iyo xubno guddiga ka mid ah oo ay weheliyaan masuuliyiin ka tirsan xukuummadda oo ugu horreeyo Wasiirka Wasaaradda Caafimaadka ee XFS, Wasiirka Wasaaradda Caafimaadka DXDF ayaa maanta ka qayb galay munaasabad ka dhacday magaaladda Baydhabo oo xadhiga lagaga jarayey xarunta cusub ee Wasaaradda Caafimaadka ee Koonfur Galbeed iyo xarunta gargaarka iyo howlgalada deg-degga, Waxaana xadhiga ka jaray Madaxweyne maamulka Koonfur-Galbeed iyadoo si casri ah loo dhisay .
Intaas kadib, Guddoomiyaha guddiga Sanatar Cismaan Maxamuud Dufle oo hadlaya magaca Guddiga addeega Bulshada, Wuxuu Hambalyo iyo bogaadin u dirayaa Dowladda Federaalka Soomaaliya iyo Maamulka Koonfur Galbeed oo iska kaashaday dhismaha xaruntan, Iyagoo taageero ka helaya hay’addo caalami ah. Waxayna qayb ka tahay guulaha laga gaadhay dadaallada lagu soo nooleynaayo kaabayaasha Caafimaadka dalka, iyagoo muujiyay sida ay uga goβan tahay in shacabka Soomaaliyeed loo xaqiijiyo adeegyo Caafimaad oo hufan isla markaana tayo leh, lana jaanqaadaya baahiyaha bulshada.
